ਜਿਥੇ ਰਲ ਮਿਲ ਲੋਕੀ ਰਹਿੰਦੇ ਨੇ.ਤੇ ਕਿਸੇ ਨੂੰ ਕੁਝ ਨਾ ਕਹਿੰਦੇ ਨੇ               ਜਿਥੇ ਇਕ ਨੂੰ ਦੂਜਾ ਚਾਹੁੰਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ

ਜਿਥੇ ਇਜਤ ਹੋਵੇ ਬੰਦੇ ਦੀ , ਨਾ ਪਰਖ ਹੋਵੇ ਉਹਦੇ ਧੰਦੇ ਦੀ                      ਜਿਥੇ ਹਕ ਦੀ ਜੀਵ ਕਮਾਉਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ

ਜਿਥੇ ਹਕ ਬਰਾਬਰ ਸਭ ਦੇ ਨੇ, ਜਿਥੇ ਸਜਣ ਬਣ ਨਾ ਠਗਦੇ ਨੇ                  ਕੋਈ ਝੂਠਾ ਦੋਸ਼ ਨਾ ਲਾਉਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ

ਜਿਥੇ ਹਰ ਕੋਈ ਰਜ ਕੇ ਖਾਦਾ ਹੈ, ਤੇ ਰਬ ਦਾ ਸ਼ੁਕਰ ਮਨਾਦਾ ਹੈ                  ਜਿਥੇ ਕੋਈ ਨਾ ਕਿਸੇ ਦੀ ਖੋਹਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ

ਜਿਥੇ ਦੁਖ ਦਾ ਦਾਰੂ ਮਿਲ ਜਾਵੇ,ਹਰ ਜਖਮ ਪਿਆਰ ਨਾਲ ਸਿਲ ਜਾਵੇ            ਜਿਥੇ ਦੁਖ ਵਿਚ ਸੁਖ ਮਨਾਉਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ

ਜਿਥੇ ਮੰਦਿਰ ਮਸਜਿਦ ਸਾਂਝਾ ਹੈ, ਹਰ ਇਕ ਦਾ ਰਾਜੀ ਰਾਂਝਾ ਹੈ                  ਗੋਰਾ ਕਾਲੇ ਨੂੰ ਗਲ ਲਾਉਦਾ ਹੈ ਉਹ ਬੇਗਮਪੁਰਾ ਕਹਾਉਦਾ ਹੈ