ਏਸ ਜੁਗ ਵਿੱਚ ਰਾਮ ਨਾਲ ਜੁੜ ਲੈਣ ਦੇ ,                   ਰਾਮ ਨਾਮ ਵਿੱਚ ਮੈਨੂੰ ਰੰਗਿਆ ਰਹਿਣ ਦੇ                   ਤੇਰੇ ਪਾਰਸ ਦੀ ਮੈਨੂੰ ਨਾ ਕੋਈ ਲੋੜ ਸਾਧੂਆ                 ਮੇਰੀ ਬਿਰਤੀ ਪ੍ਰੇਮ ਵਾਲੀ,                                         ਮਸਾਂ ਮਸਾਂ ਲੱਗੀ ਏ ਨਾ ਤੋੜ ਸਾਧੂਆ, ਵੇ ਮੇਰੀ ਬਿਰਤੀ…

ਕਈ ਜੁੱਗਾਂ ਬਾਦ ਹੋਇਆ ਰਾਮ ਨਾਲ ਮੇਲ ਓਏ               ਮਾਇਆ ਵਾਲੀ ਖੇਡ ਨਾ ਤੂੰ ਮੇਰੇ ਨਾਲ ਖੇਲ ਓਏ              ਜੋੜੀ ਰੱਬ ਨਾਲ ਜੱਗ ਨਾਲੋਂ ਤੋੜ ਸਾਧੂਆ, ਵੇ ਮੇਰੀ ਬਿਰਤੀ

ਗੰਗਾ ਮਈਆ ਹੋਈ ਮੇਰੇ ਉਤੇ ਮਿਹਰਬਾਨ ਓਏ               ਹਰ ਕੰਮ ਮੇਰਾ ਹੁਣ ਕਰੇ ਭਗਵਾਨ ਓਏ                      ਮੇਰੇ ਰਾਮ ਨਾਲੋਂ ਮੈਨੂੰ ਨਾ ਵਿਛੋੜ ਸਾਧੂਆ, ਵੇ ਮੇਰੀ ਬਿਰਤੀ

ਤਿੰਨ ਜੁੱਗ ਲੱਗੇ ਪਿੱਛਾ ਮਾਇਆ ਤੋਂ ਛੁਡਾਣ ਨੂੰ         ਬਦਲਕੇ ਭੇਸ ਆ ਗਿਆਂ ਏਂ ਭਰਮਾਣ ਨੂੰ                     ਰਾਮ ਤੁੱਲ ਲੱਖ ਨਾ ਕਰੋੜ ਸਾਧੂਆ, ਵੇ ਮੇਰੀ ਬਿਰਤੀ....

 ਜੁੱਗੋ ਜੁੱਗ ਭਗਤਾਂ ਦੀ ਪੈਜ ਉਹ ਸਵਾਰਦਾ                 ਆਪਣੇ ਪਿਆਰਿਆਂ ਦੇ ਪੱਥਰ ਵੀ ਤਾਰਦਾ                   ਕਿਸੇ ਚੀਜ਼ ਦੀ ਨਾ ਰਹਿਣ ਦੇਵੇ ਥੋੜ ਸਾਧੂਆ,ਵੇ ਮੇਰੀ ....